مكتبة الشاعر اسحاق الحلنقي

دي من ابداعات الحلنقي حبيت اشاركم فيها

أصلو ما ممكن (اسحق الحلنقي)

ممكن وللا ما ممكن
أسيبك اصلو ما ممكن
اسيبك كيف بعد ريدك
صبح من روحي متمكن
**************
ممكن تختفي الأبراج
ويبقى النيل بدون أمواج
يغيب الكوكب الوهاج
وتبقى الزهرة من غير تاج
عارف شوقي ما بهدن
واسيبك أصلو ما ممكن
**************

ممكن يرحلوا النيلين
ويمشوا يهاجروا مغتربين
وممكن يجرح الياسمين
والزيتون يجافي التين
إلا الأصلو ما ممكن
نعيش انا وانت مفترقين
ممكن أي حاجة تكون
وحرف النون يكون ما نون
وممكن تاني يظهر لون
يضيع لون دهب شيبون
إلا الأصلو ما ممكن
غلاوتك عندي مرة تهون

أسحاق الحلنقى : شال النوار
ياريت من أول000

وريتنا إنك يكمن00 تتأخر يوم

كان غائب00أطمنّا شويه

وبحرك ياليل00ماشفنا نجوم

بيقولوا الغائب00عذرو معاه

في غيابك ياما00نشيل اللوم

العيد الجاب الناس000لينا ما جابك

يعني نسيتنا خلاص

مع إنك إنت الخليتنا

نغني الحب00ذكري وإخلاص

كسلا المدينة الأنيقة ... كسلا التي يتجول في أرجائها التاريخ ... ذاكرة الشعوب .. ويفوح عبق الماضي في طرقاتها ودروبها ... ويلقي الإنسان حينما يزورها غلالة منسوجة من دُعاش التاكا الأبية .
ويلاحقك أينما .. كسلا التي تنوم وادعة في حاضرة السودان الشرقية تتيه علي سائر مدنها بعمرها المديد .. الموغل في العراقة كسلا التي تلبس في كل زمان أردية السحر والجمال وهذا يمنحها فرادة وتميز .. الأهازيج التي تطوق خصر كسلا متغنية بها اختصار للمسافة بين زائرها وبين الولوج إلي قلبها .. إن ظاهرة التغني للمدن قد وقفت عند كسلا طويلاً وهو أن المغنيين في الأداء تتفاوت بإنسيابهم إلي الأعماق في خلق صيغة ملائمة بين الذات والموضوع إن المغنيين باختلاف مواضيع أغانيهم قد قربوا كسلا المدينة إلى قلوب الناس متسمة بالحنان والجمال والخضرة الدائمة الحية فإذا كانت كسلا قد استقطبت شعراء ليغنوا فيها..

***

اسحق الحلنقي قطعة من كسلا ... هو سمرة من جبالها وخضرة من مروجها وبسمة في عيون أهلها ... عبر الحلنقي عم كوامن دواخله وأبرز كيف التواشح مع الجمال والتسامح والتناسخ مع المواقف فجاء شعره الغنائي متسم ببساطة الصدق وحرارة العاطفة ويسر الكلمات والمقاطع فأصبح علي الألسنة ترديداً وهتافاً فكسلا الوطن الصغير الملاذ الذي احتمي به الحلنقي عصماً من دواخله الضياع فجادت قريحته بالكثير الممتع ...
أخذ من قوس قزح المتدني فوق جب التاكا الأشم الذي يسترضع القمر ويتدلي علي دائرة الظل علي هامش نبع توتيل السلسبيل وركائم السحائب تشق طريقها لتنسم حبات الندي المتساقط صبحاً ...
ونام الحلنقي في هذا المشهد المتكرر فكان الشعر الموهبة أول القيد عند الحلنقي الأبيض ضميرك التي غناها الفنان المهاجر عبد الله الطيب .

غناء الطيب عبد الله

إنت يا الأبيض ضميرك
صافي زي قلب الربيع
في كلامك وابتسامك
أندي من زهر الربيع
عشت متهيئ لحبك
كل أيامي وحنانها
ابتسامك عزيزة
بحرق الآهات عشانا
بس لقيتك إنت حائر
تظلم الحب بالمهانة
الدموع السايلة مني
يا ما سالت حرقتني
والظنون الحارقة قلبي
بالماسي كم شقتني
كنت بجني شقاك محنة
وأعشق أوهامي الطوتني

فكانت الخطوة الثانية باللقاء مع بلبل كسلا المبدع إبراهيم حسين ...

غناء إبراهيم حسين

نجمة نجمة والليل نعدو
وإنت ...
ما عارف عيونك لما تسرح وين بيودوا
الريدة الكثيرة يا حنيني شقاوة
كلما نزيد حنان تزيد غلاوة

***

ثم تم التواصل بلقاء أخر مع إبراهيم حسين الذي أجاد وأبدع بصوته وأدائه المقنع:

قالوا الزمن دوار ...
يا بسمة النوار ...
ياريت تعود أيامنا ...
نكمل المشوار ...
يا قلبي يا سواح ...
قول لي متين أرتاح ...
دمع الحنين عاودني ...
لقلبي السواح ...

وأدي إبراهيم حسين لشاعرنا الحلنقي أغنيته الرائعة :

ساعة الغروب ...
رحلتو بعيد نسيتو ...
الريد والحنان ...
والآلفة الجميلة ...
والسعد اللي كان ...
لكن فرقتنا أقدار الزمان ...
في الليل يا حبيبي ...
نورط وإنت ضاوي ...
حليلك وإنت جنبي بالزي السماوي ...
وجرح الفرقة الأيام تداوي ...

ثم انتقل الحلنقي فكان اللقاء مع رفيقه الفنان التاج مكي وهما يقضيان أجمل الأيام في كسلا بداية موسم الخريف أو الربيع المتجدد وقد جاء القادم من بعيد يختال في جريانه وتفتح المدينة ذراعيها لإستقبال القادم الذي يحمل الخير والنماء وقد يغضب فيتحول مجري جريانه ليحطم ويدمر كل ما يعترض طريق جريانه ويجرف أمامه كل الأشياء نتيجة لقوة التيار ... القاش أحد رموز جماليات كسلا وفي خلفية هذه اللوحة يظل التاكا الأشم الذي تراه من كل الزوايا والأبعاد ليؤكد استمرارية التاريخ وعلي ضفتي النهر تهدي المروج الخضراء ثمارها اليانعة القطاف – المانجو – الجوافة وسبائط الموز أبو نقطة والقشطة والعنب – البلح الرطب ويلتقي الثالوث الخضرة – الماء والوجه الحسن :

حبيت عشانك كسلا
خليت دياري عشانك ...
عشقت أرض التاكا ...
الشاربة من ريحانك ...
ظلم الزمان الخاني ...
ياريتو لو كان خانك ...
ليه جرت وإتنكرت ...
بقدس عشانك كسلا ...
للساب قرايبو عشانك ...
**

ثم كان اللقاء الثاني بين مكي والحلنقي في الزمن وحينها كان الحب الدافئ الصافي الضائع :

فايت مروح وين ...
لسة الزمن بدري ...
خليك شوية عشان ...
جنبك يطول عمري ...
دار الفرح والريد ...
تلقاني من أهلها ...
ومين اللي ما بعرف ...
طيب شباب كسلا ...
يلاك بعيد نرحل ...
لدنيا حنية ...
نعيش لوحدينا ...
سيرتنا منسية ...
وأسقيك مياه توتيل ...
عشان تعود لي ...
بين الضفائر بان ...
وجه القمر طلا ...
وكيف قلبي يتنقل ...
صبرني يا الله ...

***
وعلي امتداد الخضرة علي مدي البصر كان اللقاء علي دائرة الظل تحت العنبة وكل تلكم الروائع :

رحت خليتنا ...
تاني ما جيتنا ...
كان مغالطنا ...
أسال العنبة ...
الرامية في بيتنا ...
***

الحلنقي في بلاد الغربة يشكي ويبكي حاله

وتدور الأيام بما لها وعليها ويتم الاغتراب بعيداً عن أرض الوطن وتتغير الأحداث والظروف معاً ويلتقي الشاعر والفنان والحلقي وفي مدينة (( العين بالإمارات ))

غليت الصدف ع الدر ...
بدلت العسل بالمر ...
ضحيت لعيون أم در ...
للنيل الصباحو يسر ...
طويت مشوار ...
مشيناه عصر ...
وكان كل الأماني خضر ...
ولسة الشمعة فيها عمر ...
براك إنت الأبيت تصبر ...

الحلنقي : السعادة بعد خيال جيت لقيتو معاك حقيقة

وأبو عركي البخيت القادم من أرض الجزيرة التوأم الحقيقي لأرض القاش كلها في الوجدان :

قول لي الكلمة دية ...
قولها لو تفرح شوية ...
أنت لو بتحب الحب ...
بالسكوت عبر ليا ...
يا حبيبي معاك سنين ...
عرفت الأنوار طريقها ...
والسعادة بعد خيال جيت لقيته معاك حقيقة ...
جوة ذاتي وعواطفي نحوك ...
سامية واكثر من عميقة ...

تعليق : أثري شاعرنا المبدع أسحق الحلنقي مكتبة الإذاعة بإسهاماته الشعرية المتجددة والمتكررة لعدد هائل من الفنانين الشباب يومها والذين استطاعوا العبور إلى دنيا الغناء والطرب

من أشعار الحلنقي :
أسمعنا مرة – خوجلي عثمان .
راح الميعاد – زماني راح – الأستاذ عثمان مصطفي ...
أديني رضاك – إسماعيل حسب الدائم ...
والصوت الذهبي صالح الضي وعش معاي الحب ومحمد سلام والبلابل وصلاح مصطفي – مش أمرك يا قدر وغيره وغيرهما .

الحلنقي يشيد بكلمة حق للمبدع الفنان محمد وردي

يردد الحلنقي كلمة حق وإنصاف وسط أصدقائه ومعارفه بأنه مدين للفنان المبدع محمد وردي فهو السبب الرئيسي في شهرتي كشاعر غنائي فقد إستطاع هذا العملاق النوبي أن يخرج كلمات شعري بصوته الدافئ وموسيقاه الحالمة ومخرج الحرف عند وردي وحدة زمنية لجيل كامل .....

وعندما يذكر الفن السوداني في السودان لابد من ذكر الموسيقار الأستاذ محمد وردي هذا الرقم الضخم في الساحة الفنية لا علي مستوي السودان فحسب بل العالم العربي والإفريقي لذا أصبح وردي إمبراطور للأغنية العاطفية وملك الأناشيد الوطنية بلا منازع وردي الذي أصبح كالخبز والماء والدواء تغني وردي بأشعاره وعندما يلتقي وردي والحلنقي يتدفق الشلال .

شلالات الفرح دون تنافر بل في تناغم وانسجام ، قدما من الأغنيات الروائع وكونا بحق عقد الانسجام العاطفي وبعثا ألواناً من الطرب الأصيل المقنع وهذه أمثلة من التعامل الصادق :

أعـز الناس
يا أعز الناس حبايبك نحن ...
زدنا قليل حنان ...
العمر زادت غلاوة معاك ...
صالحني الزمان ...
يا أحن الناس حنانك ...
كنت من قبلك بشيل الليل دموع ...
وأطويه هم ...
أنا كنت بخشي علي الأماني الطفلة ...
يفنيها العدم ...
وجيت لقيتك بين ضلوعي شموع ...
وغنيتك نغم يا نغم ...
يا حبيب ورد الأماني الحلوة في أعماقي فتح ...
وأبتده القلب العاش العمر ...
في آهاته يفرح ...
والزمن ما أظن بعدك إنتِ ...
يرجع تاني يجرح ...

ثم يتواصل العطاء بين الفنان النوبي والشاعر الحلنقي ليقدما معاً من الروائع ودرر الأغنيات :

هجرة عصافير الخريف ...
في موسم الشوق الحلو ...
هيج رحيلها مع الغروب ...
إحساسي غلبني أتحملو ...
وكتمت أشواق الحنين ...
داير الدموع يتقلو ...
ورجع خليت الدموع ...
يرتاحو مني وينزلو ...
ليه يا عصافير الخريف ...
خضرة مشاعري أشيله صيف ...

أما أغنية ( الدموع ) والتي ظل يتغني بها وردي في كل مجالاته الخاصة ولقاءاته الإذاعية :

الدموع دايماً حبايبي ...
وإنت أفراحك حبايبك ...
والزمن نفس الجراح ...
الصابني ...
بها مصيره ...
حبايبك ...
السنين الفاتو من عمر الهوي ...
يا حليله ...
إبتديت بالطيبة ....
بي إشراق مشاعرنا الجميلة ...
واصبح الحب ذكري ...
في أعماقنا نيسان ما يزيله ...

الوداع الاخير

لعمر الحاج موسى
اسحق الحلنقي

مهما الزمن .. طلع قمر
وغيب قمر ما بجيب قمر يشبه عمر
كان مس بي ايده التراب يصبح درر
وكان حدثك ترحل بعيد لى دنيا ما دنيا بشر
شفتوهو كيف فى المؤتمر حرك شجون
القلبه منسوج من حجر الاعمي يوم داك ما نظر
والحسه ما بشعر شعر آه يا قدر امرك صدر
ماترشى ارضنا يا مطر وما تهدى موجك يا بحر
طال ما عمر تحت التراب الحلوة كان ضقناها مر
والسمحة كان جات ما بتسر وفرحنا بعد قصي عمر
كان وش سمح بي لمسته يداوى الجرح
كان طيبة فى الاعماق تلح كان حاله زين ما بدور شرح
تلقاهو دايما منشرح عقد الندي نفحة عبير عطر الطلح
للسمحه بسرع فى الخطا وفى القاسية ثابت ما بزح
كان الرجى وكان للحيارى المرتجى المستجد
كان بفتح ابواب النجا كان شعله بالحب الكبير متأججه
فى نظرته فى عزته ما بحجوا بيهو الناس حجا
الكلمة ما كان بيكونها وبيلونها وبحننها ويبجيبها ليك
تحلف عروسه متوجهة ... اخو فى القسي
والليلة خالد ياحليله يقول ابوى
وما بلقي غير صمت الاسى العزة ما كان حارسها
والسمحة ما كان فارسها كان مدرسة لى كل عظيم
التاكل يبكي عليك دموع تاجوج تنوح
شجر الاراك زابل فروع ومحلق اللابس الدروع
غرقان دموع والقمرة ما دايره الطلوع
الناس تئن حس النحاس يبكي ويرن
ومحمد الحافظ على العهد القديم صلى فى خشوع
لى الله يرحم جيتك فى آخرتك تكسب ثواب
ما كان بطل فى العز قدل كان المحارب فى كرن
وكان المناضل فى حروب ليبيا ومعارك كل زمن
كان حبه فى الدنيا الوطن من راحته من عافيته
كم دفع الثمن وياما الزمن ليهو اتمحن لكنو اجتاز المحن
ورايات معزته بالمفاخر هفهفن اخدر نحيف شامخ جبينه
كأنه سيف اعماقه حس فنان رهيف وكل دينه مصحف شريف
ماسد باب دقاهو ضيف فى الدنيا كم درج شقى وفرح ضعيف
الليلة عاينو الدنيا كيف حزنانه كيف
لابسه السواد شايله الرماد الليلة ما انكسر الجواد
يا حليل عيونه الصافيه كلها اعتداد
الناس يوصوا علي الصبر ويقولوا غايتو كلام معاد
كيف الصبر يا اخوانى عاد والكان بعلمنا الصبر خلانا فات
من غير ميعاد .

انت مافي .
. اي حاجة بتبقى مافي
الشمس تلقاها مافي
والبحر من غير مرافي
والمدن بتكون منافي
والحبيب يبقى جافي
العسل ما ببقى صافي
وانت مافي

انت مافي الروح تفارق
ويبقى موج النيل مفارق
الشروق ينسى المشارق
والنسيم لي الروض يشاهق
والصباح ما ببقى شارق
وانت مافي

انت مافي منو البسالم
ويبقى من الامو سالم
الزمن يصبح مظالم
والحنين يبقى ظالم
وتمسح الأحزان عوالم
تفتح الاحزان عوالم
وانت مافي

انت مافي الناس تغيب
والحبيب ينسى الحبيب
الدمع يصبح قريب
والطبيب ما ببقى طيب
كيف يكون في الدنيا طيب
وانت مافي

اسمعنا مره

اسمعنا مره وحاتنا عندك اسمعنا مره
الدنيا تبقى مافيها مره
والكون يلالي بهجه ومسره
حن في عمرنا كايسنو مره
وان قلت لا لا هم واستمره
ـــــــــــــــــــــــــــــــــــــــــــــ
ان درنا نشكي وين نشكي ليكا
وين نلقى دنيا تجمعنا بيكا
كنت بتجينا ياحليل مجيكا
وان ضاع عمرنا محسوب عليكا
ـــــــــــــــــــــــــــــــــــــــــــــ
انت البتنهي وانت البتأمر
ان قلت نشقى نشقى وان قلت نصبر
زي الفراشه في سمانا تخطر
نادر وجودك في الدنيا يندر
ـــــــــــــــــــــــــــــــــــــــــــــ
نحن المشاعر جنات حبيبه
بسمتنا راحه وعالمنا طيبه
دايرين عيونك تصبح قريبه
شان كل حلوه في الكون نجيبا

امرك ياقدر

مشي امرك ياقدر انت احكامك مطاعه
لوحصل نحن افترقنا والليالي الهم اضاعا
همسة الذكرى المعاي تبقى زاد روحي ومتاعا
ــــــــــــــــــــــــــــــــــــــــــــــــــ ـــــــ
الزمن كان مبتسم والليالي جميله حالمه
كانت الايام بتمضي حلوه ريانه ومسالمه
لا اشتكينا من الزمن لا لا التقينا في لحظه ظالمه
بي حنانا الدنيا كانت ياحبيب العمر عالمه
ــــــــــــــــــــــــــــــــــــــــــــــــــ ـــــــ
فجأه من غير نحن نشعر يافراق طليت علينا
واصبحت كل الليالي الطيبه والايام حزينه
وارتيم ظل في جبين ايامنا ظل آهات سجينه
كان طريق مكتوب نسيرو نحن سرناهو ومشينا
ــــــــــــــــــــــــــــــــــــــــــــــــــ ـــــــ
عدت من بعدك رجعت عشت متغرب وحيد
وابتديت اشعر بزهر العمر يتساقط بعيد
ياحليلك انت والايام ربيع اخضر سعيد
كنت ببكي عليك بعمري والدموع بس ما بتفيد

اشواق عدينا

دوري دوري
يا أيام يا أشواق عدينا
نحن الليلة للحبان
من سفرا بعيد جينا

على رمل الطريق من بيتنا
جابنا الشوق في سكتكم
وصح الذكريات فينا
مواكب الغيم لحارتكم
بعد ما قلنا نحن نسينا
ايه ذكرنا سيرتكم

وحاة عزتكم الفي قلوبنا
ياحلوين تطلونا
افتحو لينا احضانكم
بعد توادنا لمونا
قالو الفرقة بتغير
خايفين بكرة تنسونا
صبح رمل الطريق حزنان
عليهم متين تلاقونا

طفنا الحي مشيناهو
فوقنا سحابة حزنانة
هناك لاقونا ناس سألونا
إيه عاملين في دنيانا
وجات سيرتكم الحلوة
بأحلى عبير كريحانة
واخفت بينا ذكراكم
ودنياكم مفارقانا

يا أعز الناس

يا أعز الناس حبايبك نحن
زدنا قليل حنان
دا العمر زادت غلاوتو معاك
وصالحني الزمان
يا أحن الناس حنان

كنت من قبلك
بشيل الليل دموع
واطويه هم
انا كنت بخشى
على الأماني الطفلة
يفنيها العدم
وجيت لقيتك بين قلبي دموع
وغنيتك نغم

يا حبيب
ورد الأماني
الفي أعماقي فتح
وابتدا القلب
العاش العمر في آهاتو
يفرح
والزمن ماظنو بعدك انت
يرجع تاني يجرح

نامت أحزان عمري
غنى زماني
واتلاشت صعاب
أنا قبلك الأيام
قضيتا سراب
يسلمني السراب
وبيك طويت من عمري
صفحة ماضي مكتوب بالعذاب

قصيدة الكروان

لـيه يا كروان خليت عشك

بـاريت الـغربة الـبتغشك

فـارقـت الـبلد الـبتريدك

بـالصندل كـانت بـترشك

لـيه يا كروان سبت ديارك

ومـشيت خـليتهم سـمارك

دي الـغربة الـحتت نوارك

مـا تـسيبها تـقلل مقدارك

دا الـبعد الحاصل كان منك

ليه نرمي اللوم على اقدارك

لـيه يا كروان خليت ناسك

ومـشيت لـلناس الماناسك

انـت المعروف بين جلاسك

مـعروف بي رقة احساسك

ليه تنسى عيون النيل والليل

والـريد الـحابس انـفاسك

لـيه يـا كروان بعدك طول

ومـا عـاد تغريدك زي أول

انـا عارفو حنينك ما تحول

عـشق الأوطـان ما بتاول

اصلو الانسان ما بكون انسان

لـو بنسى قديم زمنو الاول

غربة وشوق

غربة وشوق
جيناكم يا حبايبنا
بعد غربة و شوق
نغالب فيه ويغالبنا
ونكتم أهة
تظهر أهة
تتعبنا
حنين لشوفة الغالين
مدوبنا

هناك ما هنتنا يا حلوين
الهم بدل واحد يبين همين
وفيها قلوبنا
تتأوه ونتاوه
سنين وسنين
مصيره الحى يلاقى حبايبه
لو صادقين

سماع أهلا
من الاحباب شروق أمال
ووصف البهجة بالكلمات
محال يتقال
حلاوة العودة
غنيناها فى موال
تحكى عن الولف
واصلة الولف كتال

يلا وتعال يلا

نهاجر في بلاد الله

ننسى الناس ينسونا

والله ننسى الناس ينسونا

وفوقنا الطيبة تتدلا

نعيش زي الطيور ماتعيش

وتفرد لجناها الريش

تضمنا عشة الريدة

ويفوت فوقنا الغمام تعريش

نفوت من سكة رواحة

ونتوه من واحة لواحة

شتيلة ريدنا يا حنين

يضون بهجة في الساحة

حلاوة الدنيا تلقاها

تجينا سحابة شايلاها

دروبنا تلم وريدنا يتم

وانت تقولي يا آهة

ونرتاح من كلام قالو

ومن عينو دمعتين سالو

آثار الهم نطويهو

نخلي الفرح بدالو

يلا وتعال يلا

نهاجر في بلاد الله

ننسى الناس ينسونا

والله ننسى الناس ينسونا

وفوقنا الطيبة تتدلا

توعدنا

توعدنا وتبخل بالصورة

يا غنوتنا

يا بهجتنا

ويا مسا عيونا المبهورة

ما نحن بطبعنا ناس طيبين

غلطاتك عندنا مغفورة

يا نسمة في عز الصيف هبت

يا روح الروح

يا آمالا

إن جيت تطلبنا بضي العين

مابنقدر نحن نقول

لا لا

العين مابتعلا على الحاجب

وعزيز الروح مابتعالا

لو نحن بكينا على الصورة

سامح دمعتنا المعذورة

ما نحن بطبعنا ناس طيبين

غلطاتك عندنا مغفورة

الكلمة الحلوة الفي قلبك

وحياتك ماتعاند قولا

خلينا نصابح بيها العيد

نرحل لعوالم مجهولة

لو نحن مقامك ماقدرو

أعذارك عندنا مقبولة

روعة سحر الأسطورة

يا سمحتنا الما بنطولة

لو نحن مقامك ماقدرو

أعذارك عندنا مقبولة

بنحبك نحن وما قادرين

أبدا عن حبك نتخلا

نتخلا عن الوجه البشبه

ضي القمرة الناعس طلا

كل الآمال الل يخليك

ويحرسك من عين الناس الله

يا راجياني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

لمّ سحابة تلاقي سحابة

وتنزل منها دمعة عشاني

لمّ تلاقي مسافر عايد

تمشي وتسألي عن عنواني

وانا عنواني عيونك انتي

وأي مكان تمشيهو مكاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

ياالفرهدتي فرح جواية

أنا جملتك بألواني

أنا علمتك تاخدي المعنى

من إحساسي وتدي معاني

أنا سافرت عشانك انتي

وسبت البلد الما ناسياني

كم حاولت أصارحك ياما

إلا العزة بقت مانعاني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحداني

إستنيني ولو حاولت تصدي حناني

إستنيني ولو حاولت تصدي حنيني

ياما حتشقي ماظن تلقي

حِنيّن زيي يريدك تاني

ألأيام وانا قربك انتي

مهما تطول محسوبة ثواني

إنتي جمالك ياهو جمالي

وانتي زهورك من ريحاني

الأفراح بعرف ميعادا

وأي زمان تلقيهو زماني

يا راجياني وما ناسياني

ياما الغربة بتتحداني

وانا بتحدى الزمن الجاير

لو في بعدك

يتحدانى

هـجرة عـصافير الـخريف

هـجرة عـصافير الـخريف

فـى مـوسم الـشوق الحلو

هـيج رحـيلا مـع الـغروب

احـساس غـلبنى اتـحملو

وكتمت اشواق الحنـيـن

داير الدموع يتـقـلـو

ورجعـت خليت الـدموع

يـنسابو ..مـنى ويـنزلو

ليـه يا عصافيـر الخريف

خضرة مـشاعـرى اشيلا صيف

تـحت الـغمام شـايف

مـواكب الـهجرة اتـلاشت سراع

ليه يـا عـصافير ليه الاسف

مين علمك أسف الوداع

وعارف دا ما اول سفر

لبلاد بـعيدة بـدون مـتاع

زى ما بتخافي مـن الرياح

بنخاف كمان انحن الضياع

ليه يا عصافير ليه الضنى

صفقة جناحك احزنها

غـايـب الـسنين الـليله

مالو غنا العصافير غـلبو

طراهو زولا كان ولوف

كم رضا خاطرو وطيبو

سمع قليبو كـلام حـنين

هـدهد مـشاعرو ودوبـو

الـناس سعيدم فى الـحياة

لا ضاق فراق لا جربو

وانا حالى فى بعد الوطن

دفـعنى ضي العين تمن

حبيت عشانك كسلا

ظلم الزمان الخاني يا ريتو لو كان خـــــــــانك
ليه جرت واتنكرتي ليه لي الساب ديارو عشانك
قدر عشانك كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
كلمني قوليها فاكر ليالي القــــــــــــــــــاش
لمن الحنين عاودنـــــــــي بعطفك الجــــياش
جفيت حبيب ما خانك من نور بسيمتك عاش
انا تاني ما بتلقاني يوم في طريقك مــاش
قاصد مكان في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
صوت السواقي الحاني ذكرني ماضي بعيد
وعلى الرمــــــــــال آثارك طرتني ليلة عــيد
المني قلبك ينسا يرفس غــــــــــلاوة الريد
باقي الطريق بمشــــيهو خليني فيهو وحيد
والحب عذاب في كسلا
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها
فرحــــــــــــت ليالي الريد نداوة البسمات
خلتني أبكى
حبيت عشانك كسلا وخليت دياري عشانها
واخترت ارض التاكا الشـــــــــاربه من ريحانها

وسط الدايرة

وسط الدايرة أجمل نايرة
خلي قلوبنا تطير
وارحلي بينا فراشة حنينة
بين زينات وعبير
ولما الخصلة تدور طربانة
تبقي حرير في حرير
فرحي خلق الله واتّنّي ياشبه القمرة
وارقصي رشي عبيرك فينا وفتحي يا زهرة

أرقصي زيدي الساحة سماحة
نحن معاك نشيل
نغني غناوي ..نحكي حكاوي
لما ندوب في الليل
لا ترتاحي لا تريحينا
لسة الوقت طويل

عمرك كل فرح يا زينة
شيلي من الأفراح وادينا
راقصي البسمة راقصي النسمة
خلي الموجة تدور بينا
أوعي تهدي
كمان اتحدي
يلا جميلك تمي علينا علينا

الحاج يوسف

الحاضر والمستقبل

يا الحاج يوسف رمز الهمّة

بندورك ديّمة هناك في القمّة

وتكوني النور يا الحاج يوسف

يوم ما يكون العالم ضَلْمة

وتكوني مثال للعمل الشعبي

بفضل شبابك وقايدة الأمّة

ويجوك الناس ويهاجروا ليك

وتكوني فرج لكل ملمّة

وتقدِّمي للسودان أبنائك

ما انتِ بتحوي معادن جمّة

وكُل المدن الكاينة بحولك

تتخذِكْ مِشعَلْ كشف القمّة

ولمّ الناس تقيف تتساءل

قولي: أنا بشبابي بقيت في القمّة

وزي ما شبابك ليك بِعَمْلُو

بتقدمي ليهم أعظم خدمة

بتقيفي حنينة في يوم يحتاجو

وقفة أُمْ وخالة وعمّة

أحْــلُـم

في عالمِ عِشقٍ زهريٍ

أحلم يوماً أن ألقاك

في لحظة سعدٍ تمتدٌ سنين

أحلم بالوعد الصادق

بجمالٍ يملأ أركاني

يحملني لذراك

***

أحلم أن أحضن تلك الشفتين

أن أروي ظمئي

من ماء الثغر وورد الخدين

أحلم أن تبقي فرحاً يسكنُ

طول العمر على صدري

يغمُرني يغرقني في بحر هواك

يا أجملَ حلمٍ

ما أروعُ أحلامي حين أراك

في لحظة صحوٍ أو غمضة عين

يا أجملَ حبٍ

كيف لقلبي يسمع عنكِ

ولا يهواك؟؟

والقلبُ قتيلٌ السمع

و سهم العينين

يا أجملَ أمنيةٍ

ما أجملُ نفسٍ تتمناك؟؟

كي تكمٌلَ في معناها وفي التكوين

جمالُ النفس يسكن ذات النفس

وجمالُ الكونِ لأن الكونَ حواك

***

أهواك ولا أدري طوعاً أم قِسراً أهواك!!!

أهواك إذا أحببتْ

وإذا قررتُ بجدٍ أن أنساك

***

وإذا امتلأت بئري

واخضّرت ساحاتي

وأتت كل ظباء الأرض لترعى

ستجدني أتطلّع لسماك

***

يا أشهق قمم الكون أمامي

هل لي يوماً أن أصل علاك؟؟

يا أحلى طعمٍ أرقبه

هل لي يوماً بمذاقِ حلاك؟؟

يا أروع أنثى أعرفها

قلبي يعشقك ونفسي تتمناك

***

كل السعد إذا اقتربت منك خطاي

وإذا بَعُدتْ مني خطاك... سألقى هلاك

***

قد تعبت في الأسفار ركابي

ما عادت نفسي تحتملُ خفاك

فسأدعو إله الكونِ بلا كللٍ

كي ترسى سفني في مرساك

مشكووووووووووور والله يا سيفووووو على هذي القصايد الحلوة
والله من الروائع